ပြင်သစ်ယဉ်ကျေးမှုဌာန၏ အစားအသောက်၊ အနုပညာနှင့် လူမှုအသိုင်းအဝိုင်းကို ပေါင်းစည်းထားသည့် "လမ်းဆုံ" အမည်ရှိ ရှင်သန်လှုပ်ရှားမှု အပြည့်ရှိသော ရပ်ဝန်းအသစ်ကို ဂုဏ်ယူစွာ မိတ်ဆက်ပေးအပ်ပါသည်။ ရန်ကုန်မြို့၏ ဖန်တီးမှုဗဟိုချက်အဖြစ် ရည်ရွယ်ပုံဖော်ထားပြီး၊ ခေတ်နှင့်လျော်ညီကာ အားလုံးပါဝင်နိုင်သော ပတ်ဝန်းကျင်တစ်ခုတွင် မြန်မာနှင့် နိုင်ငံတကာ အစားအစာများကို သင့်တင့်သောစျေးနှုန်းများဖြင့် သုံးဆောင်နိုင်မည် ဖြစ်ပါသည်။

"လမ်းဆုံ" သည် သာမန် စားသောက်ဆိုင်နေရာ တစ်ခုထက်မကဘဲ အချက်အပြုတ်အတတ်ပညာများ ဖော်ထုတ်ရာ၊ ယဉ်ကျေးမှု ပွဲလမ်းသဘင်များ ကျင်းပရာ၊ ဖန်တီးမှုဆိုင်ရာ သင်ယူမှုများနှင့် လုပ်ငန်းရှင်များအတွက် ဘက်စုံသုံးနေရာတစ်ခုအဖြစ် တည်ရှိနေပါသည်။ အနုပညာပြပွဲများ၊ Open Mic ဂီတစင်မြင့်ဖျော်ဖြေပွဲများမှစ၍ အလုပ်ရုံဆွေးနွေးပွဲများ၊ Pop-up ဈေးရောင်းပွဲများနှင့် သီးသန့်အခမ်းအနားများအတွက် နေရာငှားရမ်းခြင်းအထိ လှုပ်ရှားမှုအမျိုးမျိုးကို ဤနေရာတွင် ပြုလုပ်နိုင်ပါသည်။

လူငယ်များ၊ နိုင်ငံခြားသားများ၊ အနုပညာရှင်များ၊ ပညာရေးသမားများနှင့် အသေးစား၊ အလတ်စား လုပ်ငန်းရှင်များ (SMEs) အစရှိသည့် အလွှာစုံကို ရည်ရွယ်ထားပြီး ပူးပေါင်းဆောင်ရွက်မှုနှင့် ယဉ်ကျေးမှုဖလှယ်မှုများအတွက် အခွင့်အလမ်းများ ဖန်တီးပေးထားပါသည်။ အစားအသောက်နှင့် အဖျော်ယမကာ လုပ်ငန်းရှင်များအတွက်လည်း တက်ကြွသော လူငယ်ထုနှင့် တိုက်ရိုက်ထိတွေ့ခွင့်ရခြင်း၊ ပြင်သစ်ယဉ်ကျေးမှုဌာန၏ လမ်းကြောင်းများမှတစ်ဆင့် အပြန်အလှန် မျှဝေနိုင်ခြင်းနှင့် အယူအဆသစ်များ စမ်းသပ်နိုင်ခြင်း စသည့် အကျိုးကျေးဇူးများ ရရှိစေမည် ဖြစ်ပါသည်။ ကနဦး မိတ်ဖက်လုပ်ငန်းများအတွက် သင့်တင့်သော ငှားရမ်းခနှုန်းထားများနှင့် တုံ့ပြန်ချက်စစ်တမ်းများ ပါဝင်သည့် ရှေ့ပြေးစီမံကိန်းဖြင့် ပံ့ပိုးကူညီပေးသွားမည် ဖြစ်ပါသည်။

"လမ်းဆုံ" သည် အစားအသောက် သုံးဆောင်ရန် နေရာတစ်ခု ဖြစ်ရုံသာမက ရှင်သန်လှုပ်ရှားမှု အပြည့်ရှိသော ယဉ်ကျေးမှုဂေဟစနစ်တစ်ခုလည်း ဖြစ်ပါသည်။ ပါဝင်ပူးပေါင်းလိုပါက ဌာနသို့ ဆက်သွယ်နိုင်ပါသည်။